إتبرع لإنقاذ حالة كريم

في قلب مخيم البريج، بين شوارع مليانة حياة وصوت الأطفال بيلعبوا، فيه ولد اسمه كريم. كريم عنده ٧ سنين، عيونه مليانة براءة وحلمه بسيط.. إنه يجري زي باقي الأطفال من غير ما يتعب أو يحس بوجع في صدره.

من يوم ما اتولد، كريم بيعاني من مشكلة في قلبه، عنده غشاء على الشريان الأورطي، وده بيخلي دمّه ما يوصلش كويس لباقي جسمه. بيحس بتعب بسرعة، نفسه بيبقى تقيل، وأوقات قلبه بيدق بسرعة كأنه بيجري سباق من غير ما يتحرك.

أمه، اللي قلبها متعلق بيه، كل يوم بتشوفه بيتعب قدام عينيها، وكل يوم بتدعي إنه يخف. كل مرة ياخد نفسه بصعوبة، بتحس إنها نفسها بيتقطع معاه. “نفسي أشوفه بيجري وبيضحك من غير ما يمسك صدره”.

كريم محتاج عملية قلب مفتوح ، وأمله الوحيد إن حد يساعده قبل ما حالته تسوء.

رغم تعبه، كريم لسه بيضحك، بيلعب بلعبته الصغيرة، وبيقول: “أنا هبقى قوي، وهجري زي كل أصحابي”. أمنية صغيرة من طفل قلبه بيحارب، محتاج قلوبنا تحارب معاه

مع مؤسسة الجود ساعدوا كريم، يعمل العملية و خلوه يحس إن الحياة لسه بتبتسم ليه . 
عملية كريم هتتكلف 320000 جنية تقدر دلوقتى تساهم من خلال مؤسسة الجود ب 500 جنية وتشارك فى أُمنية كريم.