Save Assel

أنا سماء سامي، أم لأربع أولاد، عايشة دلوقتي في القاهرة بعد ما جينا من غزة عشان نعالج بنتي الصغيرة اصيل، عندها ٤ سنين، بس شايلة في قلبها وجع كبير مش مستحملة عليه.

اصيل قلبها مش زي باقي الأطفال…

قلبها على اليمين، والكبد على الشمال.

عندها ضغط عالي جداً في الشرايين، وثقب كبير بين البطينين والأذينين، والصمام بيرجع الدم، وفيه ضيق في الشريان الأورطي، والتجويف اللي المفروض فيه القلب مش مكتمل. بمعنى أصح، قلبها حجرة واحدة بس!

نسبة الأكسجين في جسمها ٦٥٪ - ٧٥٪، وده بيخلي نفسها دايمًا قصير وعنيها دايمًا تعبانة.

اكتشفنا المرض وهي عندها أسبوع بس، ودخلت حضّانة، ومن وقتها والطريق كله تعب ودموع وسفر ومحاولات.

عملت أول عملية  وهي عندها ٣ شهور، بس من ساعتها محتاجة تكمل عمليات تانية، والحرب في غزة منعتها.

جيت بيها على مصر، دخلت العناية، وبعدها معهد القلب قالولي:

“العملية صعبة ونسبة الوفاة فيها عالية، روحي دوري برا”.

لكن الأمل الحقيقي جه لما مؤسسة الجود قررت إنها تتبنى حالة اصيل، وتساعدها في رحلة علاجها. 

اصيل بتحتاج عملية بالقلب حاليا وتكلفتها بتوصل 250000

اصيل نفسها تلعب، تجري، وتضحك من قلبها زي باقي الأطفال…

بس عشان ده يحصل، محتاجة فرصة تعيش… عملية تنقذ قلبها.

ساعدوا اصيل تبتدى رحلة علاجها وترجع تنام من غير تعب… ترجع تضحك … وتعيش.